Bigarren saio honetan “komunikazio” kontzeptua entzutean burura datozkigun hainbat ideia zerrendatu ditugu; espresibitatea, inprobizazioa, ahotsaren entonazioa, norbere burua ezagutzea, ingurua (taldea) ezagutzea…
Baina zer da komunikazioa? Komunikazioa eraginkorra izateko, zer izan behar dugu kontuan?
Komunikatu nahi duguna hartzaileak modu argi eta ulergarrian jaso dezan, ezinbestekoa izango da igorle-hartzaile harremana, hau da, igorlea informazioa jasoko duen hartzailearen egoeran jarri beharko da eta azken honek esan edo adierazi nahi duena entzuteko prest egon.
Azken batean, feed-back hori emateko entzuteaz gain, gainerako zentzumenak ere martxan jarri beharko ditugu. Zentzumen ezberdinen arteko koordinazio egokiak ahalbideratuko du komunikazio eraginkorra.
Komunikazio eginkizunean IKT-ak euskarri bezala lagungarri izango ditugu, hau da, hartzaileak ematen zaion informazioa entzuteaz gain, irudiak eta hitzak ikusteko aukera izanik, informazioa prozesatzeko erraztasun handiagoa izango du.
Hezkuntzan IKT-ak esparru gehiagotan erabiltzen dira, izan ere, teknologia berrien iraultza berri honetan, hezkuntza ere gizartearen eskakizunetara egokitu behar izan da.
Saioa bukatzean taldekideok nola sentitu garen komentatzean, sentsazio ezberdinak esperimentatu ditugula konturatu gara; abstrakzioa, nahasmena, komunikazioa, elkarlana... nahiz eta hasiera batean galduta eta noraezean ibili, guztion arteko elkarlana eta komunikazioa direla medio, pieza guztiak enkajatu, makina martxan jarri eta saioari aurre egin ahal izan diogu.
No hay comentarios:
Publicar un comentario